1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW

Mutane da yawa sun mutu a guguwar Vanuatu

Zainab Mohammed AbubakarMarch 15, 2015

Al'ummar Vanuatu sun fara share babban birnin tsibirin na Port Vila, bayan wata mummunar iskar guguwa da ta ritsa da yankin.

https://p.dw.com/p/1Er3i
Vanuatu Zyklon Pam
Hoto: picture-alliance/dpa/AP Photo/UNICEF Pacific

Mutane da dama dai sun rasa rayukansu a wannan guguwa mafi tsanani da ke tafiyar km 250 a kowace sa'a guda.

Wannan bala'i daga indallahi dai ya lalata sama da kashi 90 cikin 100 na gidajen wannan tsibiri. A yanzu haka kungiyoyin agaji na nazarin irin asara ad aka yi, tare da kokarin kai kayayyakin agaji zuwa yankun da ke da wahalar isa.

Shugaban tsibirin Baldwin Losdale da ke halartar taron MDD kan rage hadari a Japan , ya yi kira da a kai wa jama'arsa dauki, sakamakon hali mawuyaci da suka tsinci kansu a ciki bayan mummunar guguwar da aka yi wa lakabi da suna Pam.