Hada kai da Afirka a batun bakin haure

Macron ya yi wannan kiran ne yayin da yake jawabi ga matasa masu kananan sana'o'i da yawansu ya kai 300, a rana ta biyu ta ziyarar da ya kai Najeriya yana mai cewa nahiyoyin biyu na da matsala iri guda. Macron ya kuma sha alwashin shawo kan matsalar da kungiyar Tarayyar Turai ke fama da ita kan batun bakin hauren, sai dai ya ce zai kai ga cimma wannan buri nasa ne kawai, da hadin kan kasashen Afirka.