Libya: Hari cikin Masallaci a Benghazi | Labarai | DW | 09.02.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Libya: Hari cikin Masallaci a Benghazi

Wani harin bama-bamai da aka kai a wannan Juma'ar a cikin wani masallacin Juma'a na birnin Benghazi a kasar Libiya ya yi sanadiyyar mutuwar mutum daya yayin da wasu 62 suka samu raunuka.

Wasu daga cikin wadanda suka samu raunukan na cikin mawuyacin hali sakamakon hari da aka kai cikin wani masallaci, inda bama-bamai biyu suka tashi a farkon soma sallar Juma'a a masallacin Saad Ibn Abou Abada da ke tsakiyar birnin na Bengazi mai nisan km 1000 a Gabashin Tripoli babban birnin kasar. An dai dana bam din a cikin makara da ke ajiye cikin masallacin, yayin da bam din na biyu aka dana shi  a wurin ajiye takalma.