Jagoran tsagerun ynakin Darfur ya gurfana gaban kotun duniya
April 5, 2022
Kotun hukunta manyan laifukan yaki ta ICC da ke birnin Hague a kasar Holland ta soma shari'ar tsohon dan tawayen kasar Sudan Ali Mohammed Ali Abd-Al-Rahman da ta zarga da aikata laifukan yaki da cin zarafin dan Adam a rikicin da aka kwashe shekaru ana tafkawa a lardin Darfur na kasar Sudan.
Ali Mohammed Ali Abd-Al-Rahman mai shekaru 72 da ke zama na hannun daman hambararen shugaban kasar Sudan Omar al-Bashir, bai amsa laifin da kotun ta tuhume shi ba, daga cikin laifuka 31 da ake zargin tsohon jagoran 'yan tawayen da aikatawa a matsayin shugaban mayakan sa-kai na 'yan Janjaweed da suka yi gwagwarmaya da makamai daga shekarar 2003-2004.
A cewar Karim Khan babban alkalin kotun ta ICC, Ali Abd-Al-Rahman ya taka muhimmiyar rawa wajen jagorancin kisa ga daruruwan mutane gami da cin zarafin mata.
Tun a farkon shekara ta 2020 Ali Kushayb shugaban kungiyar ta 'yan janjaweed ya mika kansa ga kotun ICC.