Kotu ta ce a saki ′ya′yan Hosni Mubarak | Labarai | DW | 22.01.2015
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Kotu ta ce a saki 'ya'yan Hosni Mubarak

Kotu a Masar ta bada umarnin sakin 'ya'yan tsohon shugaban kasar Hosni Mubarak da ake tsare da su saboda laifin cin hanci da rashawa da aka same su da shi a baya.

Al-Sisi bei Hollande 26.11.2014

Shugaban Masar Abdel Fatah al-Sisi

Lauyansu wato Farid el Deeb ya shaidawa kamfanin dillacin labarai na Reuters cewar a wannan Alhamis din ce kotun da ke zamanta a Alkahira ta bada umarnin sakin Alaa da Gamal daga gidan kason da ake tsare da su saboda babu wata shari'a da yanzu haka ake yi musu.

A watan Nuwamban shekarar da ta gabata ne kotu a kasar Masar din ta soke hukunci da aka yanke musu na daurin shekaru 4 bayan da aka same da laifi, to sai dai nan gaba Alaa da Gamal din za su sake gurfana gaban kuliya a shari'ar da za a sake musu kan shi wannan batu na cin hanci da rashawa bisa ga wani umarni da kotun daukaka kara ta bada.