Kotu a Tunisiya ta daure 'yar takarar shugaban kasa

Kafin wannan hukuncin da aka yanke shi a ranar Litinin da daddare, Abir Moussi, na cikin'yan takarar zaben shugaban kasa da aka tsara gudanarwa a ranar 6 ga watan Oktoba mai zuwa a Tunisiya. Da ma dai akwai wasu 'yan takarar shugaban kasa guda hudu da su ma wata kotu a Tunisiyan ta yanke musu hukuncin daurin watanni takwas tare da haramta musu tsayawa takara.

Wadannan hukunce-hukunce kan 'yan adawa ne suka kara tayar da zarge-zargen da ake wa shugaba Kais Saied na mulkin danniya ta hanyar amfani da rigar dimukuradiyya da ta kawo shi mulkin kasar a shekarar 2019 amma daga bisani ya rusa majalisa ya koma yana mulkar kasar ta hanyar dokokin ''decree'' irin na soja.