Kirsimeti a New York ya zo da bala'i
December 25, 2012Talla
A jahar New York dake kasar Amirka wani mutumin da ya taba zaman gidan yari ya cinna wuta a gidansu, kana ya labe ya harbi masu wadanda suka zo kashe gobarar biyu kana raunata wasu biyun, kafin daga bisani ya juya bakin bindigar ya harbi kansa. Mutumin dai a fadar yan sanda ya yi zaman gidan yari na shekaru 17, bayan kisan kakarsa da ya yi, kana an yi imanin cewa kanwarsa na cikin dakin da cinnawa wutar.
A gefe guda Kiristoci a fadin na gudanar da bikin ranar Kirsimeti. A fadar Vatikan Paparoma Benedict na16 ya gudanar da addu'o'i a tsakiyan dare, inda ya yi kiran a samar da zaman lafiya a Gabas ta Tsakiya, kana yace kamata ya yi mutane su rungumi son Allah a zukatansu.
Mawallafi: Usman Shehu Usman
Edita: Saleh Umar Saleh