1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

Kashe wani mai tsattsauran ra'ayi a Kenya

April 1, 2014

Rahotanni daga kasar Kenya sun nunar da cewa an kashe wani babban malami mai kaifin kishin addini a kasar Abubakar Shariff da aka fi sani da Makaburi.

https://p.dw.com/p/1BZov
Hoto: AP

Amirka da Majalisar Dinkin Duniya dai na zargin Abubakar Shariff da tallafawa kungiyar Al-Shabab ta Somaliya dake da alaka da al-ka'ida. Wani jam'in 'yan sanda ya nuna gawar tasa bayan da aka kashe shi a garin Mombasa dake kasar ta Kenya. Wakilin kamfanin dillancin labarai na Reuters ya ruwaito cewa ya tabbatar da ganin gawar Abubakar Shariff a garin na Mombasa.

A nasa bangaren Lauyan marigayi Abubakar Shariff, Attorney Mbugua Mureithi ya ce an kashe shi ne har lahira. Kawo yanzu babu wani cikakken bayani daga rundunar 'yan sandan kasar Kenyan kan mutuwar tasa. Dama dai tun da farko rundunar 'yan sandan kasar ta sanar da cafke sama da muatane 650 bisa zarginsu da hannu kan wani harin ta'addanci da aka kai a kasar a baya-bayan nan.

Mawallafiya: Lateefa Mustapha Ja'afar
Edita: Zainab Mohammed Abubakar