1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaGabas ta Tsakiya

Isra'ila ta kashe babban kwamandan Hamas na Lebanon

Abdulkarim Muhammad Abdulkarim
September 30, 2024

Isra'ila ta sha alwashin ci gaba da kai farmaki a Lebanon, har sai ta murkushe Hezbollah da aminiyarta Hamas da Iran ke goyon baya, bayan da ta halaka wasu mayakan Hamas.

https://p.dw.com/p/4lDpj
Hoto: Louisa Gouliamaki/REUTERS

Kungiyar Hamas ta Falasdinawa da ke yaki da Isra'ila a Gaza ta ce hare-haren Isra'ila a kudancin Lebanon da ke yankin Gabas ta Tsakiya sun halaka babban kwamnadanta Fateh Sherif Abu el-Amin, tare da wasu iyalansa. Sannan, akwai wasu kwamandoji uku wato Mohammad Abdel-Aal, da Imad Odeh da kuma Abdelrahman Abdel-Aal.

Karin bayani: Fargabar ta'azzarar rikici bayan kisan Nasrallah

Rundunar sojin Isra'ila ta sha alwashin ci gaba da kai farmaki a Lebanon, har sai ta murkushe duk wani burbushi na kungiyar Hezbollah da aminiyarta Hamas ta Falasdinu, wadanda ke samun goyon bayan Iran. Dama ministan harkokin wajen Faransa Jean-Noel Barrot ya gana da firaministan Lebanon Najib Mikati a Beirut babban birnin kasar, inda ya yi kira ga Isra'ila da ta dakatar da barin wuta a Lebanon nan take.