IS ta yi barna mai yawa a Siriya | Labarai | DW | 18.12.2014
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

IS ta yi barna mai yawa a Siriya

Rahotanni daga kasar Siriya na nuni da cewa an gano gawarwakin wasu mutane 'yan kabilar Shia har 230 da 'yan kungiyar IS suka hallaka a gundumar Deir Ezzor.

Kungiyar kare hakkin dan Adam da ke sanya idanu a yakin na Siriya ta tabbatar da cewa 'yan uwan mutanen da aka kashe din ne suka gano gawarwakin a wani katon kabari a gundumar Deir Ezzor, wanda hakan ya kawo yawan 'yan kabilar Shaitat da 'yan IS din suka kashe a gundumar ta Deir Ezzor da ke kusa da kasar Iraqi zuwa sama da 900. Kungiyar kare hakkin dan Adam din da ke da Shalkwata a Birtaniya ta ce mafiya yawan wadanda aka kashe a yayin da kungiyar ta IS ta kai farmaki a gundumar, fararen hula ne da suka tashi tsaye suka nuna adawa da kungiyar.

Mawallafiya: Lateefa Mustapha Ja'afar
Edita: Umaru Aliyu