1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

Hari ya rutsa da 'yan sanda a Afghanistan

Salissou BoukariJune 30, 2016

Mahakumta a kasar Afghanistan sun sanar da rasuwar wasu 'yan sanda sabin dauka sakamakon wasu tagwayen hare-haren kunar bakin wake a yammacin birnin Kabul.

https://p.dw.com/p/1JGpG
Afghanistan Selbstmordanschlag in Kabul
Harin kunar bakin wake da aka Kai a birnin KabulHoto: Reuters/O. Sobhani

A cikin wani hari ne dai da aka kai wa ayyarin motoci 'yan sanda sabin dauka a wata unguwa mai cinkoson jama'a a da ke yammacin birnin na Kabul, 'yan sanda a kalla 27 suka mutu, tare da raunata wasu 40 a cewar wani jami'in ofishin ma'aikatar ministan cikin gidan kasar ta Afghanistan. Cikin wata sanarwa da ya fitar bayan harin, kakakin masu kai harin Zabihullah Mujahid, ya tabbatar cewa maharan na su sun kai hari ga motocin bus-bus guda biyu, kuma sun hallaka mutane da dama.

Shaidun gani da ido sun ce bayan tarwatsewar bam na farko, sai kuma ba da jimawa ba bam na biyu ya tashi a daidai lokacin da ake kokarin zuwa da sabin 'yan sandan wajen ayyukan horo.