1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

Hari kan 'yan sanda a birnin New York

January 6, 2015

An harbi wasu 'yan sanda guda biyu a birnin New York na Amirka inda kuma tuni aka garzaya da su zuwa asibiti kamar yadda jami'an 'yan sanda suka bayyyana a daren jiya Litinin.

https://p.dw.com/p/1EFQa
USA New York Tod von Eric Garner - Protest 06.12.2014
Hoto: Reuters/B. McDermid

Ofishin 'yan sanda a birnin na New York ya bayyana cewa 'yan sandan sun sami raunika bayan harbin da suka samu na 'yan fashi da makami a yankin Bronx na New York.

Ofishin ya ce a yanzu babu cikakken bayani akan halin da 'yan sandan ke ciki, haka zalika babu wani cikin maharan da ya zo hannu. Babu kuma wasu karin bayanai da aka samu daga jami'an 'yan sandan.

Wannan harbi dai ga jami'an 'yan sandan na zuwa ne makonni bayan da wani bakar fata a birnin na New York ya hari wasu 'yan sanda ya halaka tare da kashe kansa, abinda ya bayyana a matsayin fansa ga kisan wasu bakaken fata a Amirka.

Mawallafi: Yusuf Bala
Edita: Umaru Aliyu