Hare-hare a Somalia
July 10, 2007Yan takife a ƙasar Somalia sun kai wani saban hari gurneti,a babbar kasuwar birnin Modadiscio inda anan take mutane 2 su ka rasa rayuka sannan wasu da dama su ka ji raunuka.
Cemma a jiha litinin wani hari makamanci wannan ya rutsa da kasuwar, inda mutane 3 su ka kwanta dama.
Tashe tashen hankulla na daɗa tsamari a Somalia,tun bayan kiffar da gwamnatin dakarun kotunan Islama, yau da wattani 6 da su ka wuce.
A halin yanzu, gwamnatin riƙwan ƙwarya ta ƙara tsautarara matakan tsaro a birnin Mogadiscio a shirye-shiryen taron haɗin kann ƙasa, da da za a fara ranar lahadi mai zuwa.
A ɗaya wajen,hukumar kulla da yan gudin hijira ta Majalisar Ɗinkin Dunia, ta bayana rahoto a game da mutanen Somalia da su ka rasa rayuka, kokuma su ka yi kasa ko sama, a yayin da su ka buƙaci shiga ƙasar Yamal ta jiragen ruwa.
A jimilce, rahoton ya ce daga farkon shekara ta da mu ke ciki zuwa yanzu, mutane 300 su ka mutu cikin ruwa a yayin da kussan 120 su ka ɓata a yunƙurin su na zuwa Yamal, da zumar kauce wa tashe-tashen hankulla.