An kashe shugaban IS na Sahel

A sakon da ya wallafa a shafinsa na Twitter da safiyar yau Alhamis (16.9.2021), shugaba Macron ya ce hakan wani ci gaba ne da aka samu a yakin da ake yi da ta'addanci a yankin Sahel.

Kungiyar ta ISGS na zafafa kai hare-harenta a yankin Sahel, musamman ma a iyakar kasashen Nijar da Mali da Burkina Faso kana kungiyar ta dauki alhakin kai harin da ya kashe wasu sojojin Amirka a shekarar 2017 da kuma kisan ma'aikata shida na wata kungiyar mai zaman kanta ta Faransa a watan Augustan bara.