Al-Hathloul: Hukuncin shekaru biyar a gidan yari

Wata kotu a Saudiyya ta yanke hukuncin daurin shekaru biyar a gidan yari ga matashiyar, bisa tuhumarta da aikata laifin tada zaune tsaye. 'Yar shekaru 31 a duniya da kuma ta sha fafutikar ganin an bai wa mata 'yancin tuka mota a Saudiyya, Loujain al-Hathloul daman ta shafe tsawon shekaru biyu a hannun hukuma a gabanin hukuncin kotun. Sai dai tuni bangarori daban-daban na duniya suka fara sukar matakin kotun irinsu Jadakadan Iceland a Majalisar Dinkin Duniya, wanda ya ce 'yan fafutikar kare hakin dan Adam da kungiyoyin fararen hula ya kamata su taka muhimiyar rawa wajen sauye-sauyen da Saudiyya ke aiwatarwa yana da kyau a saki duk wadanda aka kama ciki har da Loujain al-Hathloul.