Dakon sakamakon zabe a Gabon

Bangaren shugaban kasa mai ci Ali Bongo wanda shi ma ya tsaya takarar shugabancin kasar da nufin yin tazarce dai, sun ce ayyana samun nasar ba tare da kammala kidayar kuri'u domin samun cikakken sakamako ba, babban kuskure ne. Bongo mai shekaru 57 a duniya, na mulkin kasar ta Gabon tun daga shekara ta 2009 bayan da mahaifinsa Omar Bongo wanda ya kwashe tsahon shekaru 41 yana mulkin kasar ya rasu. A nasa bangaren Jean Ping da ke da shekaru 73 a duniya, shima ya kwashe tsahon shekaru yana rike da mukami a gawamnatin Omar Bongo. Al'ummar kasar dai na cikin fargabar sake barkewar rikici makamancin wanda ya afku a shekara ta 2009 bayan da aka ayyana Ali Bongo a matsayin wanda ya lashe zaben shugaban kasar.