An sassauta dokokin corona a Chaina

Rahotanni sun nunar da cewa, an dage dokar kulle ta zuwa wani lokaci a birnin Guangzhou da ke zama cibiyar masana'antun kasar. Haka kuma an sassauta wasu ka'idojin yaki da annobar coronar, a wasu birane da suka hadar da Shanghai da Chongqing. Wannan matakin dai na zuwa ne, duk da karuwar wadanda suka kamu da cutar da ake samu a kasar. Zanga-zangar adawa da matakan kullen coronar dai, na zaman kin bin umurnin gwamnati mafi girma da aka gani a Beijing tun shekara ta 1989.