1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW

Bunkasa al'ada a Guinea

April 5, 2017

A kasar Guinea da ke yammacin Afirka, an sami wata Zeinab Koumanthio Diallo da ke harkar rubuce-rubuce wadda kuma har ila yau ke shugabantar wata cibiyar adana al’adu na al’umar Fulani.

https://p.dw.com/p/2aj9W
AoM Guinea Zeinab
Hoto: DW


kasar ta Gini, inda take kokarin adana tare da bayyana al’adun al’umar da aka fi saninsu da riko ga harkar kiwo kuma shekaru 10 da suka gabata bayan aiki a kungiyoyin kasashen duniya ta koma gida. Ita dai Zeinab Kumantiyo Djallo, ta gina wani gidan adana tare da taskance al’adun al’umar Fulani ne a wani wajen da ake kira Labé, wajen da ake iya zuwa don kallon kayan asali na fulanin. A halin yanzu ma wajen ya bunkasa day a zama babbar cibiya ta al’adu.

Zeinab Koumanthio Diallo na gamuwa da mutane da yawa, a ziyarar da take kai wa wurare daban daban na neman kayayyakin Fulani da za ta yi ajiyarsu a cibiyar da ta kafa.

Tana fatar matan da take ganuwa da su su rika bata kayayyakin domin adanawa. Babban sha’awar abubuwan da ake yin a hannu da kuma wadanda ake amfani da su yau da kullum.

Africa on the Move Zeinab Koumanthio Diallo
Hoto: DW

 

Zainab musamman tana karfafa ‘yan mata wajen fahimta tare da fassara rubutattun tarihin al’adunsu don dorewar aniyar. Ta hakan ne take basu kwarin guiwa a al’umar da akasari maza ne ke a sahun gaba. Wannan yarinyar mai shekaru 17
Dalanda Dieng bat a shakkar al’adunsu na bukatar taskancewa.

Al’adar al’umar Fulani dai, al’ada ce da ke kunshe da tsarin addinin Islama. Bayan zuwa hajji a 2011, Zeinab Djallo ta kuma bude makarantar muhammadiyya a garin Labe, inda ake koyar da ‘yan mata ilimi. Suna kuma fahimtar ‘yancinsu dama fahimtar duniya baya ga ilimin addini.

Yanzu dai galibin ‘yan matan da suke karatu a wannan cibiyar, suna da fahimtar irin rayuwar da suke muradi, saboda al’adu ba su taka masu birki, musamman wajen koyoyn sana’a. Wasu daga ciki sun yanke shawarar koyon aikin kafinta.