1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Birtaniya: Jam'iyyar Conservative ta yi nasara a zabe

Zulaiha Abubakar
December 13, 2019

Jam'iyyar Conservative ta firaminista Birtaniya Boris Johnson ta samu kujeru 333 daga cikin kujeru 650 na zauren majalisar dokokin kasar, yayin da babbar jam'iyyar adawa ta Labour ta yi nasarar samun kujeru 200.

https://p.dw.com/p/3UjG8
UK Boris Johnson
Hoto: picture-alliance/AP Photo/F. Augstein

Jim kadan bayan bayyana sakamakon wasu mazabun,  jagoran adawa Jeremy Corbyn ya bayyanawa magoya bayansa cewar ba zai shugabanci jam'iyyar ba a zabe na gaba, yayin da firaminista Johnson ya kara jaddada aniyar ganin kasar ta Birtaniya ta kammala ficewa daga Kungiyar EU.

Tuni dai 'yan jam'iyyar ta Conservartive suka fara taya juna murnar wannan nasara da suka samu. Haka ma abin yake ga shugaban Amirka Donald Trump, wanda ya shiga sahun gaba na shugabannin duniya da suka aikewa Firaminista Boris Johnson din sako na taya shi murna kan lashe zaben na jiya Alhamis.