Asusun bunkasa tattalin arzikin EU | Labarai | DW | 19.12.2014
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Asusun bunkasa tattalin arzikin EU

Shugabannin kungiyar Tarayyar Turai EU sun sanya hannu kan sabuwar dokar tsarin zuba jari da nufin fara habaka tatalin arzikin kasashen kungiyar.

Shugabannin sun amince da wannan sabuwar dokar ne yayin taron da suka gudanar a Brussels. Ko da yake shugaban kungiyar ta EU Donald Tusk bai yi cikakken bayani kan yadda za a samar da kudaden cikin asusun zuba jarin ba yayin jawabin da ya yi a wani faifayen Video kan dokar, rahotanni sun tabbatar da cewa za a kaddamar da asusun a shekara mai kamawa ta 2015, inda za a fara shi da kudi kimanin Euro biliyan 21. Za dai a yi amfani da kudaden da aka tara a asusun wajen bunkasa samar da makamashi da bangaren sufuri da kuma ilimi da binciken fasaha.

Mawallafiya: Lateefa Mustapha Ja'afar
Edita: Umaru Aliyu