Ana nuna shakku kan zaben Kwango

Yayin da babban zaben Jamhuriyar Dimukuradiyyar Kwango ke kara karatowa, masu kallon lamura na hasashen iya samun matsaloli a zaben, duk da cewar harkokin yakin zabe na tafiya ba tare da gagarumar matsala ba.

A ranar 23 ga wannan watan na Disamba ne dai ake sa ran gudanar da zaben, wanda kungiyar Tarayyar Turai ta sake sabonta takunkuminta a kan dan takaran da Shugaba Joseph Kabila ya tsayar, Emmanuel Ramazani Shadary.

Shugaban na Kwango Joseph Kabila ya kuma bayyana aniyarsa ta sake tsayawa takara bayan karewar wa'adin wanda zai karbi ragamar kasar a zaben da ke tafe.

Mr. Kabilan dan shekaru 47, wanda ya gaji mulki a hannun mahaifinsa a shekara ta 2001 ya yi alkawarin samar da zabe karbabbe duk da shakkun da kasashen duniya ke nunawa.