Ana ci gaba da taimaka wa Philippines | Labarai | DW | 12.11.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Ana ci gaba da taimaka wa Philippines

Majalisar Ɗinkin Ɗuniya ta ƙaddamar da shirin taimaka wa Philippines inda guguwa ta yi mumunar ɓarna a wasu sassan ƙasar

A wannan Talata Majalisar Ɗinkin Duniya ta ƙaddamar da shirin tallafa wa mutanen da guguwa ɗauke da ruwan sama ta tagaiyara a Philippines, inda dubban mutane suka hallaka, yayin da wasu suka tagaiyara.

Wani kiyasin na majalisar ta nuna kimanin mutane dubu goma suka hallaka sakamakon lamarin a gari guda na Tacloban da ke Gundumar Leyte, kuma akwai yiwuwar alƙaluman za su ƙaru yayin da ake ci gaba da tantance asarar da guguwar ta haifar.Kusan mutane milyan 10, da ke zama kishi 10 cikin 100 na al'ummar ƙasar bala'in ya shafa, inda mutane kusan dubu 700 suka rasa gidajensu. Ƙasashen na bayar da gudunamawa, inda Amirka ta bayyana cewar ta ware miliyan 20 na dolla domin sayan kayayyakin agajin gaggawa da ake bukata, bayan da mahaukaciyar guguwa da ake wa laƙabi da Haiyan ta haddasa ɓarnar rayuka da kuma dukiyoyi a wannan ƙasa. Jamus ta tura da tawagar ƙwararru zuwa wannan ƙasa ta Phillipnes, tare da ware kuɗi domin sayan kayayyakin agajin gaggawa da ake buƙata.

Mawallafi: Suleiman Babayo
Edita: Abdourahamane Hassane