An sanar da ranar zaben 'yan majalisar Tchadi

Zauren Majalisar mai ci a yanzu dai cike yake da magoya bayan shugaban kasar Idriss Deby wanda ke mulkin kasar tun 1990. A watan Janairun daya gabata ne gwamnatin kasar ta janye dokar ta bacin data sa a yankin Tibesti da Ouaddai da kuma Sila wadanda ke arewaci da gabashin kasar biyo bayan bankado wata ma'ajiyar makamai da sojojin kasar suka yi.

Jim kadan bayan fitowar wannan sanarwa daga hukumar zaben kasar ta Tchadi, wasu daga cikin jam'iyyun adawa suka bayyana amincewa da kuma jinjinawa mahukuntan kasar game da janye dokar ta bacin wacce ta haifar da tsaiko a harkokin gudanar da rayuwar al'umma.