Samia Suluhu Hassan mace ta farko shugabar kasa

Mai shekaru 61 kuma Muslma, Misis Hassan ta kasance mace ta farko ta rike mukamin shugaban kasar Tanzaniya a tarihi, domin cike gzurbin wa'adin mulkin marganyi Magafuli da zai kawo karshe a shekarar 2025. Agaban alkalan kotun tsarin mulkin Tanzaniya, sabuwar shugabar ta karbi rantsuwa da alkur'ani mai girma, ta ce "Na yi alkawarin yin gaskiya tare da bin doka da kare kundin tsarin mulkin kasar Tanzaniya." Sabuwar shugabar ta kuma sha alwashin dorawa inda mulkin maragayi Magufuli ya tsaya don ci gaba da inganta rayuwar 'yan kasar a yayin takaitaccen jawabinta a bainar jama'a.