An kwantar da Hosni Mubarak asibiti

Wata kotu a ƙasar Masar ta bada umarnin cafke tsofan shugaban ƙasa Hosni Mubarak, bisa zargin rabda ciki da dukiyar ƙasa.Wannan umurni ya zo kwana ɗaya bayan da aka kwantar da tsofan shugaban a asibiti.

Dubunnan jam´a masu neman cenji su ka sake shirya zanga-zanga inda su ka buƙaci komitin soja da ke riƙwan ƙwarya a Masar ya bincike Mubarak da muƙƙarrabansa

Bayan zargin sama da faɗi, kotu na zarin Mubarak da aikata kisan gilla ga masu zanga-zangar neman cenji.

Wannan bincike da kotu ta ƙaddamar ya shafi Hosni Mubarak da ´ya´yansa guda biyu, Gamal da Alaa, da kuma wasu ministocin gwamnatinsa.

A wani bayani da ya yi a gidan talbajan na Alarabiya, Hosni Mubarack ya mussanta dukan zargin da ake yi masa, wanda ya dangata da makirci, domin zubda masa mutunci.

Mawallafi: Yahouza Sadissou Madobi

Edita: Zainab Mohamed Abubakar