An kwantar da shugaban Katolika a asibiti
March 30, 2023Talla
An kwantar da shugaban Kiristocin Katolika na duniya Fafaroma Francis a wani asibiti da ke kasar Italiya. Fadar Vatican ta ce an kai shugaban asibiti ne a ranar Laraba biyo bayan wata cuta mai alaka da numfashi da ke damun sa.
Kamfanin dillancin labaran Faransa, AFP, ya ce tuni aka soke wasu daga cikin tarurrukan da aka tsara Fafaroman zai halarta a wannan Alhamis, ana kuma sa ran soke wasu daga cikin ganawar da aka tsara zai yi da wasu jama'a a 'yan kwanaki masu zuwa, domin a cewar fadar Vatican, Fafaroman na bukatar hutawa a asibiti na wasu 'yan kwanaki.