1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

An gwabza mummunar faɗa a gabacin Ukraine

Cwienk, Jeannette AngelaMay 9, 2014

Ministan cikin gida na ƙasar Ukraine ya ce sojojinsu sun kashe dakarun `yan aware guda 20 a garin Marioupol da ke gabashin kasar.

https://p.dw.com/p/1BxNG
Milizen TV-Sender Donezk
Hoto: DW/K. Oganessjan

Rahotannin daga Ukraine na cewar an gwabza faɗa a garin Marioupol da ke a yanki kudu maso gabashi ƙasar kan iyaka da Rasha, tsakanin dakarun gwamnatin da na 'yan aware masu goyon bayan Rasha. Ministan cikin gida na Ukraine Arsen Avakov ya ce: ''An kashe 'yan aware guda 20 magoya bayan Rasha, kana aka kama wasu guda huɗu sannan wasu 'yan sandarsu guda fuɗu sun jikata.''

Faɗan ya faru ne a lokacin da ake yin bukukuwan cikar shekaru 69 da kammala yaƙin duniya na biyu, kana kuma a lokacin da 'yan sanda na Ukraine suka yi ƙoƙarin sake ƙwato wata cibiyar jami'an tsaron da 'yan aware suka karɓe a yankni.

Mawallafi : Abdourahamane Hassane
Edita : Mouhamadou Awal Balarabe