Amurka na shirin janye sojojinta daga Afghanistan
January 12, 2013Talla
Obama ya baiyana haka ne a a taron manema labarai da ya kira jim kaɗan bayan da ya gana da shugaban ƙasar na Afganistan Hamid Karzai wanda ya kammala ziyara aiki a Amurkan. Ta na da sojojin kusan dubu 68 a Afghanistan. Kuma ana saran kafin nan da ƙarshen shekara ta 2014 lokacin da za a kwashe su baki ɗaya, za a rage yawan dakarun ƙasashen duniyar da sannun a hankali, wani mataki na mayar da ragamar tsaro ga sojojin ƙasar. Kana shugaba Hamid Karzai ya yi marhabin da kafa wata cibiya da aka yi a birnin Doha na ƙasar Qatar domin fara tattaunawa tsakanin gwamntinsa da ƙungiyar taliban.
Mawallafi: Abdourahamane Hassane
Edita: Mouhamadou Awal