1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Al-Bashir ya ce Trump na da saukin kai

Zainab Mohammed Abubakar
November 30, 2016

Shugaban kasar Sudan ya ce hulda da zababben shugaban kasar ta Amirka zai yi sauki, saboda muradunsa na kare Amirkawa.

https://p.dw.com/p/2TW38
Omar al-Baschir ARCHIV
Hoto: picture-alliance/dpa/S. Elmehedwi

Shugaba Omar Hassan al-Bashir na kasar Sudan da kotun hukunta masu manyan laifuka ke nema ruwa a jallo kan yakin Darfur, ya ayyana goyon bayansa ga zababben shugaban Amirka Donald Trump, tare da bayyana shi da kasancewa mai saukin kai.

Ya ce Trump zai fi mayar da hankalinsa kan abin da Amirkawa ke so, sabanin yadda wasu da ke ikirarin demokaradiyya da kare hakkin jama'a da gaskiya.

A hirar da jaridar Emirati al-Khaleej ta yi da shi, Al-Bashir ya ce sabon shugaban na Amirka dan kasuwa ne, wanda bashi da munafurci, face aiwatar da abunda abokan huldarsa ke muradi.

Kotun hukunta masu manyan laifuka ta ICC na zargin shugaban na Sudan da kisan kiyashi da aka yi a lardin Darfur da ke yammacin kasar.