1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

A yau ake fara zaben sabon paparoma

Usman ShehuMarch 12, 2013

Manyan limamai za su yi ta kada kuri'a so hudu a rana har lokacin da za su daidai takan wanda ya fi cancanta ya maye gurbin Benedikt na 16 a matsayin sabon paparoma.

https://p.dw.com/p/17vIf
Hoto: Getty Images

Manyan shehunan ɗarigar Katholika 115 daga kasashe 48 za su fara kada kuri'a da nufin zaɓan sabon Paparoma da zai maye gurbin Benedikt na 16 mai murabus. A tarihin baya-bayannan dai babu wani Paparoma da ya samu nasara a zagayen farko na zaben wanda aka sani da Conclave.

Shehunan za su taru ne a wani zaure, inda za su yi ta kada kuri'a har sau huɗu a asirce ako wace rana, har lokacin da aka samu Paparoman da ya yi nassara. Daga cikin 'yan takara da ake kyautata zato za su iya kai labari har da manyan limaman da suka fito daga nahiyar Afirka.

Mawallafi: Usman Shehu Usman
Edita: Mouhamadou Awal