A Najeriya an yanke hukuncin ɗaurin rai da rai kan wani dan kungiyar MEND | Labarai | DW | 25.01.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

A Najeriya an yanke hukuncin ɗaurin rai da rai kan wani dan kungiyar MEND

Kotun tarayya da ke Abuja ta sami Edmund Ebiware da laifi a harin Abuja na shekara ta 2010, inda aka yanke masa hukuncin ɗaurin rai da rai.

Image made available on 19 September of militants from the Movement for the Emancipation of the Niger Delta (MEND) as they patrol the volatile oil rich creeks of the Niger delta in Nigeria 18 September 2008. The Movement for the Emancipation of the Niger Delta claimed in a statement on 19 September 2008 it has attacked a pipeline operated by Shell. MEND declared 'war' on Nigeria's oil industry a week ago. EPA/GEORGE ESIRI +++(c) dpa - Bildfunk+++

A Najeriya kotun Tarayyar ƙasar ta yanke hukunci kan ɗaya daga cikin mutanen da aka zarga da kai harin ranar ɗaya ga watan oktoban shekara ta 2010. Mutumin mai suna Edmund Ebiware jami'an leƙen asirin ƙasar ne suka kamashi a Otel din Belingua kwana biyu bayan kai harin, wanda aka yi a dai-dai lokacin da ake gudanar bikin samun 'yancin kan Najeriya.

Maishari'a Gabriel Kolawole a shari'ar da ta dauki sa'o'i ukku, ya zargi Ebiware da laifin ƙin faɗawa hukumomin da suka dace a ƙasar, duk da cewa yana sane da za a kaiwa ƙasar harin ta'addanci. Don haka alƙalin ya yanke masa hukuncin ɗaurin rai da rai.

Wannan hukuncin dai bai yi wa wanda aka yankewa hukuncin daɗiba, inda ya yi ta kururwa abinda yasa jami'an tsaro suka amfani da ƙarfi don turashi cikin mota, kana aka yi awon gaba da shi izuwa gidan kaso.

Hukuncin yazo yan kwanaki bayan yankewa shugaban ƙungiyar yan yankin Naija Delta ta MEND Herry Okah makamancin wannan hukuncin a ƙasar Afirka Ta Kudu.

Mawallafi : Usman Shehu Usman
Edita : Mouhamadou Awal Balarabe