رهایی ۱۲۰ شهروند افغانستان از زندان‌های پاکستان

سفارت افغانستان در اسلام آباد که زیر اداره طالبان فعالیت دارد، در صفحه توییترش نگاشته است که همزمان بارهایی ۱۲۰ شهروند افغانستان از زندان‌های ایالت سند پاکستان، جسد یک شهروند افغان که باشنده ولایت ننگرهار بوده و در زندان وفات کرده است، نیز به افغانستان انتقال داده شده است.

بربنیاد معلومات سفارت افغانستان در اسلام آباد که از سوی طالبان اداره می‌شود، قرار است به زودی ۱۳۰ تن دیگر از شهروندان افغانستان از زندان‌های پاکستان رها و به افغانستان انتقال داده شوند.

بیشتر بخوانید: بیش از دوصد شهروند افغانستان به شمول یک عروس و داماد از زندان پاکستان رها شدند

 در چند ماه اخیرپولیس پاکستان شمار زیادی از شهروندان افغان را به شمول زنان و کودکان به «علت نداشتن مدارک قانونی» بازداشت و زندانی کرده است.

نشر تصاویر از برخورد خشونت‌آمیز پولیس پاکستان با زنان و کودکان افغان انتقاد نهاد‌های حقوق بشری را بر انگیخته و آنان خواستار رهایی این زندانیان شدند.

بیشتر بخوانید: ۳۰ مهاجر افغان از زندان‌های پاکستان رها شدند

منابع می‌گویند که پولیس پاکستان حتی کسانی را که برای درمان به پاکستان رفته بودند، بازدشت کرده است. گزارش‌ها می‌رسانند که سه شهروند افغانستان در زندان‌های پاکستان جان باخته اند.