ዶናልድ ትራምፕ ምን ይጠብቃቸዉ ይሆን?

የአሜሪካ ኮንግረስ የጆ ባይንደንን የምርጫ ውጤት በይፋ አጽድቋል። ይኸ የሆነው ግን አክራሪ የፕሬዝዳንት ዶናልድ ትራምፕ ደጋፊዎች የምክር ቤቱን ስብሰባ በኃይል ለማቋረጥ ከሞከሩ በኋላ ነው። በኹከቱ ፖሊስ አራት ሰዎች መገደላቸውን 50 ገደማ መታሰራቸውን አስታውቋል።

የምርጫውን ውጤት መቀበል ተስኗቸው ሲያጣጥሉ የቆዩት እና ደጋፊዎቻቸውን በቁጣ ሲያነሳሱ ያሳለፉት ትራምፕ ሥርዓቱን የጠበቀ የሥልጣን ሽግግር ይደረጋል ብለዋል። "ምንም እንኳ በምርጫው ውጤት ሙሉ በሙሉ ባልስማማም በጥር 12 ሥርዓቱን የጠበቀ ሽግግር ይደረጋል" ብለዋል። ፕሬዝዳንት ዶናልድ ትራምፕ ፌስቡክ እና ኢንስታግራምን ከመሳሰሉ የማህበራዊ መገናኛ ዘዴዎች ታግደዋል። ትናንት በዋሽንግተን ዲሲ የተፈጠረው ቀውስ ራሷን የዴሞክራሲ ቁንጮ አድርጋ ለምታቀርበው አሜሪካ ምን ማለት ነው?

አበበ ፈለቀ

እሸቴ በቀለ

ነጋሽ መሐመድ