የኦነግ አመራሮች አቀባበል በመስቀል አደባባይ

ትላንት ለሊቱን እና ዛሬም እስከ እኩለ ቀን ድረስ የነበረውን ዝናብ ተቋቁሞ አቶ ዳውድን እና የተወሰኑ የኦነግ የሰራዊት አባላትን ለመቀበል ወደ መስቀል አደባባይ የተመመው የህዝብ ጎርፍ ጠጠር ቢወረወር መሬት የማያስጥል የሚሉት አይነት ነበር። የጸጥታ ሁኔታውም በፌደራል እና በአዲስ አበባ ፖሊሶች እንዲሁም በቄሮዎች ጠንካራ ጥበቃ ሲደረግ ነበር። በአቀባበል ስነ ስርዓቱ ላይ የተገኙት የአዲስ አበባ ምክትል ከንቲባ አቶ ታከለ ኡማ ንግግር አድርገዋል። 

አቶ ዳውድ ኢብሳም ሊቀበላቸው ለተሰበሰበው ህዝብ የእንኳን ደስ ያላችሁ መልዕክት አስተላልፈዋል። እርሳቸው በስፍራው ላይ ከመድረሳቸው አስቀድሞ የኦሮሚያ ሚዲያ ኔትወርክ ስራ አስኪያጅ አቶ ጃዋር መሐመድ እና የኦፌኮ ተቀዳሚ ምክትል ሊቀመንበር ለህዝቡ ንግግር አድርገዋል። አቶ በቀለ ወደ መድረክ ከውጣታቸው በፊት በመኪናቸው ውስጥ ሆነው ሲያነቡ ተመልክተናል።  

የዛሬውን የአቀባበል ስነስርዓት በስፍራው ሆኖ የተከታተለው ዘጋቢያችን ዩሃንስ ገብረእግዚያብሔር ያጠናቀረውን ዝርዝር ዘገባ ለማድመጥ የድምጽ ማዕቀፉን ይጫኑ።  

ዩሃንስ ገብረእግዚያብሔር 

ተስፋለም ወልደየስ