የኢትዮጵያዉያን አሜሪካዉያን ንብረት ዉድመት

 የዩናይትድ ስቴትስ ነጭ ፖሊሶች ጥቁር አሜሪካዊዉን ጆርጅ ፍሎይድን በግፍ መግደላቸዉ ያስቆጣዉ አሜሪካዊ በየከተሞቹ ባደረገዉ አመፅ የተቀየጠበት ተቃዉሞ ሰልፍ በቢሊዮን ዶላር የሚገመት ንብረት መዉደሙን የየከተሞቹ ባለስልጣናት እያስታወቁ ነዉ።ፍሎይድ በተገደለባት በሚኒያፖሊስ ብቻ የጠፋዉ ሐብት ከ55 ሚሊዮን ዶላር እንደሚበልጥ የከተማይቱ አስተዳዳሪዎች ትናንት አስታዉቀዋል።በከተማይቱ 220 ሕንፃዎች በከፊል ወይም ሙሉ በሙሉ በእሳት ጋይተዋል።የኢትዮጵያዉያን አሜሪካዉያን ሕንፃዎች፣የንግድ መደብሮችና የአገልግሎት መስጪያ ተቋማትም የጥቃቱ ሰለባ ሆነዋል።

 መክብብ ሸዋ 

ነጋሽ መሐመድ

እሸቴ በቀለ