የሳህል አካባቢ ሃገራት ድጋፍ ጉባኤ

ትናንት ከፓሪስ አቅራቢያ የቡድን አምስት ሃገራትን ለመደገፍ የተካሄደዉ ጉባኤ በኢኮኖሚ ልማት እና ፀጥታ ላይ ተመርኩዞ የተመሠረተዉን ቡድን ተልዕኮዉ ለማፋጠን በገንዘብ እና በቴክኒክ ለመደገፍ ተስማምቷል።  ኒዠር፣ ሞሪታንያ፣ ቻድ፣ ማሊ እና ቡርኪናፋሶ ለተካተቱበት ቡድን ተልዕኮ ሳዉድ አረቢያ 100 ሚሊየን ዶላር እንዲሁም የተባበረዉ አረብ ኤሜሬቶች 30 ሚሊየን ዶላር ለመስጠት ቃል ገብተዋል። የአዉሮጳ ኅብረት እና ዩናይትድ ስቴትስም በገንዘብ እና ወታደራዊ ቁሳቁስ ለመደገፍ መዘጋጀታቸዉን አስታዉቀዋል። በስብሰባዉ ላይ የጀርመኗ መራሂተ መንግሥት አንጌላ ሜርክል፤ የፈረንሳዩ ፕሬዝደንት ኢማኑኤል ማክሮ እና ሌሎች 15 የሃገራት መሪዎች እና ተወካዮች እንዲሁም የአፍሪቃ ኅብረት እና የአዉሮጳ ኅብረት ተገኝተዋል። ከፓሪስ ሃይማኖት ጥሩነህ ዝርዝር ዘገባ አላት።

ሃይማኖት ጥሩነህ

ሸዋዬ ለገሠ

አርያም ተክሌ