የማን መሆኑ ያልታወቀዉ መቃብር

በደቡብ ቱኒዚያ ባሕር ዳር አካባቢ የሚኖሩ ዓሣ አጥማጆች የባሕሩ ወጀብ የተፋዉ አስክሬን ማግኘታቸዉ የተለመደ በመሆኑ ሕይወታቸዉን ከባድ እንዳደረገዉ ተናገሩ። አንድ የቱኒዝያ ዓሣ አስጋሪ የሰዉ ልጅ ክብር ይገባዋል በሚል ብቻዉን አስክሬኑን እየለቀመ እዚያዉ ባሕር ዳር መቅበር ቢጀምርም የሚገኘዉ አስክሬን ቁጥር በመጨመሩ ሥራዉ እየከበደዉ ተናግሯል።

https://p.dw.com/p/3NZC7

Tunesien Zarzis | Friedhof der Unbekannten - Ertrunkene Migranten begraben in Djerba — ምስል picture-alliance/dpa/S. Kremer

ማስታወቂያ

በባህር ከሰመጡት አፍሪቃዉያን መካከል አብዛኞቹ ከኢትዮጵያና ኤርትራ ናቸዉ

የዶቼ ቬለ «DW» ወኪል የንስ ቦርሸር ቦታዉ ላይ ተገኝቶ እንደዘገበዉ በመርከብ ሜዴተራንያን አቋርጠዉ ወደ አዉሮጳ ለመሻገር ያቀዱና በአደጋ የሰመጡ አፍሪቃዉያን ስደተኞች ፤ አስክሪናቸዉ ደቡብ ቱኒዝያ ባሕር ዳርቻ የባህሩ ወጀብ እየተፋቸዉ አስክሬናቸዉ በየጊዜዉ እንደሚገኝ አመልክቶአል። ይህን ሁኔታ በየጊዜዉ ያጋጠመዉ አንድ የቱኒዝያ ዓሣ አስጋሪ የሰዉ ልጅ ክብር ይገባዋል በሚል አስክሬኑን እየሰበሰበ እዝያዉ ባሕር ዳር መቅበር ቢጀምርም ከጊዜ ወደጊዜ ሜዲተራንያን ባሕር ዉስጥ የሚሰጥመዉ የስደተኛ ቁጥር በመጨመሩ ቀብሩን ብቻዉን ማከናወን ለእሱ እጅግ እንደከበደዉ መናገሩን የ«DW» ወኪል የንስ ቦርሸር ዘግቦአል። ከአፍሪቃ ወደ አዉሮፓ ለመሻገር በጀልባ ሜዲተራንያን ላይ ከሚሳፈሩትና ከሰመጡት ዜጎች መካከል አብዛኞቹ የመጡት ከኢትዮጵያና ኤርትራ መሆኑን የተመድ ዘገባ ያመለክታል።

ይልማ ኃይለሚካኤል
አዜብ ታደሰ
ኂሩት መለሰ

አካባቢ

አርዕስት

ማዕቀፍ

የማን መሆኑ ያልታወቀዉ መቃብር

በባህር ከሰመጡት አፍሪቃዉያን መካከል አብዛኞቹ ከኢትዮጵያና ኤርትራ ናቸዉ