በኢትዮጵያ ወቅታዊ ጉዳዮች ላይ ኮንፈረን በመቐለ

በኢትዮጵያ ወቅታዊ ጉዳዮች ላይ የሚመክር ኮንፈረን በመቐለ ዩኒቨርሲቲ አዘጋጅነት በመካሄድ ላይ ነው፡፡ በኮንፈረንሱ 15 ተቃዋሚ የፖለቲካ ፖርቲዎች፣ ምሁራን፣ ታዋቂ ግለሰቦችና የተለያዩ የማሕበረሰብ ክፍል ተወካዮች ተገኝተውበታል።ኮንፈረንሱ በዛሬው ውሎው የቀድሞ ብአዴን ታጋይና የመንግስት ከፍተኛ ባለስልጣን አቶ በረከት ስምኦን ባቀረቡት ጥናታዊ ጽሑፍ መነሻነት ተወያይቷል፡፡ አቶ በረከት ስምኦን ኢትዮጵያ በከባድ ፖለቲካዊና ማኅበራዊ ችግር እንዳለች በጽሑፋቸው ጠቁመዋል። የሕግ የበላይነት ማረጋገጥ፣ ፅንፈኛ ብሄርተኝነት መግራት፣ የወጣቶች ጥያቄ መመለስ፣ የውጭ ጣልቃ ገብነት ማስወገድ፣ ጠንካራና ዴሞክራስያዊ መንግስት መፍጠር በዋነኝነት ሀገሪቱ የምትሻቸው አንገብጋቢ ጥያቄዎች መሆናቸው አቶ በረከት ስምኦን ገልፀዋል፡፡በቀረበው ፅሁፍ ተሳታፊዎች ሀሳብና ጥያቄ አቅርበዋል፡፡ ኮንፈረንሱ ነገም የሚቀጥል ሲሆን፤ ሌሎች ሀገራዊ ጉዳዮች ይነሱበታል ተብሎ ይጠበቃል፡፡

ሚሊዮን ኃይለሥላሴ

ማንተጋፍቶት ስለሺ