በተመድ የተጠራዉ ለአፍጋኒስታን ለጋሽ ጉባዔ

ታሊባን ወደ ስልጣን ከተመለሰ ከአንድ ወር በኋላ ዓለም አቀፉ ማህበረሰብ ዛሬ ጄኔቫ ስዊዘርላንድ ላይ ለአፍጋኒስታን የለጋሽ ጉባኤ እያካሄደ ነው። በመንግስታቱ ድርጅት ጥላ ስር የተጀመረዉ ጉባዔ በአፍጋኒስታን ረሃብን ለመዋጋት እና የህዝብን ሕይወት ከውድቀት ለማዳን ያለመ ነዉ ተብሎአል። የተባበሩት መንግስታት ድርጅቶች እስከ ታህሳስ ወር ድረስ 606 ሚሊዮን ዶላር (ከ 513 ሚሊዮን ዩሮ) መሰብሰብ እንደሚያስፈልግ አስታውቀዋል። ብዙ አገሮች አፍጋኒስታንን ለመርዳት ዝግጁ ቢሆንም፤ እርዳታዉን ለመስጠት ሁኔታዎች መማላት አለባቸዉ የሚሉ ነጥቦችን ያስቀምጣሉ። በዚህ ጉባኤ የጀርመኑ የዉጭ ጉዳይ ሚኒስትር ሃይኮ ማስ ተሳታፊ ናቸዉ።

አዜብ ታደሰ 

እሸቴ በቀለ