«FB» በጀርመን ያለዉ እንቅስቃሴ እንዲጠብ ተደረገ | አውሮጳ/ጀርመን | DW | 07.02.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

አውሮጳ/ጀርመን

«FB» በጀርመን ያለዉ እንቅስቃሴ እንዲጠብ ተደረገ

ዩናይትድ ስቴትስ የሆነዉ የ«FB» አገልግሎት በጀርመን ሃገር ያሉ ተጠቃሚዎቹን መረጃ ከሚገባዉ በላይ በመሰብሰብ እና በየፈርጁ በማስቀመጥ ያላግባብ ተጠቅሟል ሲሉ በጀርመን መሥራያ ቤቶች እና ድርጅቶችን የሚቆጣጠረዉ ባለሥልጣን መስራያ ቤት አስታወቀ። በጀርመን የፊስቡክ አገልግሎት በተለይ መረጃን ያላግባብ በመሰብሰቡ እንቅስቃሴዉ ገደብ ተደርጎበታል።

በፊደራል ጀርመን መሥርያ ቤቶች  እና  ድርጅቶች የተሰጣቸዉን ሥልጣን እና ኃላፊነት በአግባቡ መጠቀማቸዉን የሚመረምረዉ ባለሥልጣን መስርያ ቤት በጀርመንኛ አጠራሩ  «Bundeskartellamt» «FB» ፌስቡክ የተጠቃሚዎችን መረጃ ካላግባብ ሰብስቧል ሲል በጀርመን ፌስቡክ ያለዉን እንቅስቃሴን ማጥበቡ ገለፀ። የዩናይትድ ስቴትስ የሆነዉ የ«FB» አገልግሎት በጀርመን ሃገር ያሉ ተጠቃሚዎቹን መረጃ ከሚገባዉ በላይ በመሰብሰብ እና በየፈርጁ በማስቀመጥ ያላግባብ ተጠቅሟል ሲሉ በጀርመን መሥራያ ቤቶች እና ድርጅቶችን የሚቆጣጠረዉ ባለሥልጣን መስራያ ቤት ዋና ተጠሪ አንድርያስ ሙንድ ዛሬ ተናግረዋል። ዋና መስራያ ቤቱን ቦን ከተማ ያደረገዉ ይህ የጀርመን ባለስልጣን መስራያ ቤት በጀርመን የፊስቡክ አገልግሎት በተለይ መረጃን በመሰብሰብ ረገድ ገደብ ተደርጎበታል ብሏል። በጀርመን እንደ «ሜሴንጀር«  «ዋትስ አፕ» «የፎቶግራፍ ማከፓቻን» የመሳሰሉ ማኅበራዊ መገናኛ ዘዴዎችን ሁሉ ፊስቡክ በመጠቅለሉ እና ከሁሉም አገልግሎቶች የሚገኘዉ መረጃ በአንድ ቋት በመከማቸቱ ፌስቡክ ገበያዉን በሞኖፖል መቆጣጠሩን ይፋ በማድረግ የጀርመኑ ባለሥልጣን ቢሮ  ተቃዉሞታል። የዩናይትድ ስቴትስ አሜሪካዉ የማኅበራዊ መገናኛ ዘዴዎች ቡድን ፌስቡክ የጀርመን ባለስልጣን መስርያቤት ርምጃን በመቃወም ክስ መመስረት እንደሚፈልግ ተዘግቦአል።    

 

አዜብ ታደሰ 

ኂሩት መለሰ 

ተዛማጅ ዘገባዎች