​​​​​​​ፎቶግራፍ እና ለውጥ-ከማኅደር ኃይለሥላሴ ጋር የተደረገ ቆይታ  | ባህል | DW | 13.06.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ባህል

​​​​​​​ፎቶግራፍ እና ለውጥ-ከማኅደር ኃይለሥላሴ ጋር የተደረገ ቆይታ 

በቅንጡ ስልኮች ላይ የተገጠሙ ካሜራዎች እና እንደ ኢንስታግራም ያሉ ማኅበራዊ የመገናኛ ዘዴዎች ለፎቶግራፍ ፍቅር ላላቸው ወጣቶች እና ለኢትዮጵያውያን አዲስ ዕድል ከፍተዋል። የ29 አመቷ ማኅደር ኃይለስላሴ ኢትዮጵያ የምታልፍባቸውን ማኅበራዊ፣ ኤኮኖሚያዊ እና ፖለቲካዊ ለውጦች ጨምሮ በተለያዩ ኅብረተሰቦች ላይ ያተኮሩ ፎቶግራፎች ታነሳለች።

አውዲዮውን ያዳምጡ። 14:50

ከማኅደር ኃይለስላሴ ጋር የተደረገ ቆይታ 

ለረዥም አመታት በፎቶ ቤቶች እና በውጭ አገር ዜጎች እጅ ተወስኖ የቆየው የፎቶግራፍ ሙያ ባለፉት አመታት በኢንተርኔት አገልግሎት እና ዘመናዊ ስልኮች መስፋፋት እየተለወጠ ይገኛል። ማኅደር ኃይለሥላሴ ይኸ ለውጥ ካፈራቸው የትውልዱ የፎቶ ባለሙያዎች መካከል አንዷ ነች። የምኅንድስና ትምህርት እና ሥራዋን በመተው በወደደችው የሥራ ዘርፍ የተሰማራችው ማኅደር ፖለቲካዊ፣ ማኅበራዊ እና ኤኮኖሚያዊ ለውጦች በማኅበረሰብ ላይ የሚያሳድሩት ተፅዕኖ የሚዳስሱ ስራዎች አሏት። በኢትዮጵያ እና በውጭ አገራት ስራዎቿን ለዕይታ አቅርባለች። 

ተወልዳ ያደገችው በአዲስ አበባ ነው። ማኅደር በፒያሳ፤ በመርካቶ፣ በእሪ በከንቱ፤ በአራት ኪሎ፤ በካዛንቺስ አዲስ አበባ የምታልፍባቸውን ለውጦች የሚያሳዩ ፎቶግራፎች አንስታለች። ማኅበራዊው፤ ኤኮኖሚያዊው እና ፖለቲካዊው ለውጥ የማኅደርን ትኩረት የሳበ በፎቶግራፍ የሚነገር ታሪክ ነው። ማስቲካ እና ሲጋራ ነጋዴው፤ ዘበኛ፤ ፈጫይ፤ የቀን ሰራተኛ፤ የጎዳና ተዳዳሪ ...ሁሉም በማኅደር ካሜራ የሚነገር ታሪክ አላቸው።

የ29 አመቷ ማኅደር ኃይለሥላሴ በኢትዮጵያ በፍጥነት በመስፋፋት ላይ በሚገኘው የፎቶግራፍ ሙያ ተቀባይነት ካገኙ ባለሙያዎች መካከል አንዷ ናት። በስራዋ እንደ ሴቶች፤ ሕፃናት እና እናቶች ያሉ ማኅበረሰቦችን የተመለከቱ ርዕሰ-ጉዳዮች ትኩረት ከምታደርግባቸው መካከል ይገኙበታል። 

ሙሉ ዘገባውን ለማድመጥ የድምፅ ማዕቀፉን ይጫኑ!

እሸቴ በቀለ 

Audios and videos on the topic