ጀርመን፤ በአዉቶቡስ አደጋ 18 ሠዎች ሞቱ | አውሮጳ/ጀርመን | DW | 04.07.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አውሮጳ/ጀርመን

ጀርመን፤ በአዉቶቡስ አደጋ 18 ሠዎች ሞቱ

ጀርመን ፈጣን አዉራ ጎዳና ላይ ይጓዝ የነበረ አዉቶቡስ ላይ በደረሰ የግጭት አደጋ 18 ተሳፋሪዎች ሞቱ ፤ 30 ሰዎች ደግሞ ቀላልና ከባድ ጉዳት ደረሰባቸዉ። ከተሳፋሪዎቹ አብዛኞቹ በእድሜ የጠኑ ስለነበሩ ቃጠሎዉን ለማምለጥ ጥረት ማድረግ እንዳልቻሉም ተዘግቦአል።

አውዲዮውን ያዳምጡ። 01:36
አሁን በቀጥታ እየተሰራጨ ያለ
01:36 ደቂቃ

ከተሳፋሪዎቹ አብዛኞቹ በእድሜ የጠኑ ስለነበሩ ራሳቸዉን ከቃጠሎዉ ማዳን አልቻሉም።

 

ዛሬ ማለዳ ጀርመን ፈጣን አዉራ ጎዳና ላይ ይጓዝ የነበረ አዉቶቡስ ላይ በደረሰ የግጭት አደጋ 18 ተሳፋሪዎች ሞቱ ፤ 30 ሰዎች ደግሞ ቀላልና ከባድ ጉዳት ደረሰባቸዉ።  ጡረተኛ አገር ጎብኝዎችን አሳፍሮ ከዛክሰን ወደ ባቫርያ ግዛት በመጓዝ ላይ የነበረው ይኽው አውቶብስ ሽታምባህ በተባለችው ከተማ  ከሌላ ተሽከርካሪ ጋር ከተጋጨ በኋላ በተነሳ እሳት ሙሉ በሙሉ መውደሙን ፖሊስ አስታውቋል። የጀርመን ፕሬዚዳንት ፍራንክ ቫልተር ሽታይን ማየርና የጀርመንዋ መራሒተ መንግሥት አንጌላ ሜርክል  በደረሰዉ አስደንጋጭ አደጋ ኃዘናቸዉን ገልፀዋል።  በአደጋዉ ሕይወታቸዉን ካጡት ቤተሰቦች ጋር ነን ያሉት ፤ መራሂተ መንግሥት አንጌላ ሜርክል፤ የአደጋ ጊዜ ደራሾችን ሥራም አመስግነዋል።

« ከፍተኛ ቁጥር ተሳፋሪዎች መሞታቸዉን ፤ እንዲሁም በርካቶች ጉዳት የደረሰባቸዉ እንዳሉም ሰምተናል። በዚህ ሰዓት በአደጋዉ ሕይወታቸዉን ካጡት ቤተዘመዶች ጋር ነን። በአደጋዉ የተጎዱት ሰዎች ጤናቸዉ ቶሎ እንዲመለስ እንመኛለን። የአደጋ ጊዜ ፈጥኖ ደራሾች በዚህ ከባድ ጊዜ የሚፈጽሙት ርዳታ ሚዛን የሚደፋ ነዉና እናመሰግናቸዋለን።» 

የጀርመን የመንገድ ትራንስፖርት ጉዳይ ሚኒስትር  አሌክሳንደር ዶብሪዲንት አደጋዉ በደረሰበት ቦታ ላይ ተገኝተዉ እንደተናገሩት አዉቶቡሱ በፍጥነት በእሳት የጋየበት መንስኤ ምን እንደሆነ አይታወቅም። ከተሳፋሪዎቹ አብዛኞቹ በእድሜ የጠኑ ስለነበሩ ቃጠሎዉን ለማምለጥ ጥረት ማድረግ እንዳልቻሉም ተዘግቦአል።

አዜብ ታደሰ

ኂሩት መለሠ

Audios and videos on the topic