የፈረንሳይ ፕሬዝደንት ማክሮ ቃለ መጠይቅ | አውሮጳ/ጀርመን | DW | 10.05.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

አውሮጳ/ጀርመን

የፈረንሳይ ፕሬዝደንት ማክሮ ቃለ መጠይቅ

ጀርመንን በመጎብኘት ላይ የሚገኙት የፈረንሳዩ ፕሬዝደንት ኢማኑኤል ማክሮ አሁን አሳሳቢ እየሆነ ስለመጣው የአሜሪካን ከኢራን የኒዩክልየር ስምምነት መውጣት እና ስለሌሎችም የአውሮጳ እና ዓለም አቀፍ ጉዳዮች ከዶይቸ ቬለ እና ከጀርመኑ ARD ከተባለ ቴሌቪዥን ጋር ትናንት ረዘም ያለ ቃለ ምልልስም አድርገዋል። 

አውዲዮውን ያዳምጡ። 03:55

ኢማኑዌል ማክሮ

የፈረንሣይ ፕሬዚዳንት ኢማኑኤል ማክሮ በአሁኑ ሰዓት ትልቁን ቦታ ስለያዘው ስለ ኢራን የኒዩክልየር ውል በቃለ-ምልልሳቸው ላይ አንስተዋል፡፡

„…ዉሉን አስመልክተው የአሜሪካን ፕሬዚዳንት የወሰዱት ውሳኔ ያሳዝናል፡፡በእኔ ዕምነት እንደዚህ ዓይነቱን እርምጃ በአሁኑ ሰዓት መውስድ ስህተት ነው፡፡ ስለዚህ እኛ አውሮጶች አንድ ላይ ቆመን ፣ከኢራን ጋር የተደረሰበትን ስምምነት በሥራ ላይ እንዲውል ማድረግ ይኖርብናል፡፡“

ከጣቢያችን ከዶቸ ቬለ እና ከሌላው ከጀርመኑ ቴሌቪዥን ታቢያ ከ ኤ አር ዲ ጋር ከመነጋገራቸው በፊት ፕሬዚዳንቱ ይህኑን ጉዳይ አስመልክተው፣ ከኢራኑ ፕሬዚዳንት ከ ሚስተር ሓሳን ሮሓኒ ጋርም በስልክ እንደተነጋገሩ፣እግረ መንገዳቸውን ጠቅሰው አልፈዋል፡፡

በንግግራቸውም ላይ የአውሮጳ ህብረትን አቋም ለፕሬዚዳንቱ ለሓሳን ሮሃኒ መልስው ግልጽ እንዳደረጉላቸው ተናግረዋል። አያይዘውም „….በአሜሪካ ጉብኝቴ ፣ ፕሬዚዳንት ዶናልድ

ትራምፕን ከኢራን መንግሥት ጋር በስንት መከራ ማሠሪያ ያገኘውን ውል ውድቅ እንዳያደርጉት እና እንዳይሽሩት እሳቸውን ለማሳመን ብዙ ጥረት አድርጌ ነበር፡፡ ይህ ግን አልተቻለም፡፡አሜሪካኖች አንቀበለውም ስለአሉ እኛ የተቀረነው -መንግሥታት- ጠቅላላውን ስምምነት ውድቅ ማድረግ የለብንም፡፡እንዲያውም በአዳዲስ ሓሳቦች ፣ውሉን አናሻሽላለን ከ2025 ዓ.ም. እ.አ.አ.“…ከዚያ አልፎ የሚሄድ የጋራ ሰነድ ከኢራን ጋር አብረን ማዘጋጀት ይኖርብናል፡፡“

ሃያ ደቂቃ በፈጀው ቃለ-ምልልሳቸውም ላይ ፕሬዚዳንቱ እንዳሉት አውሮጳ ከዩናይትድ እስቴት ኦፍ አሜሪካ ጋር ያላት ግንኙነት „…በቀውስና በቸግር ላይ  ብቻ“የተወጠረም አይደልም“ 

„….በመካከላችን አለመግባባት አለ፡፡በዚያውም መጠን ደግሞ በአውሮጳና በአሜሪካ መካከል የቆየና እና በብዙ መንገዶች የተፈተነ ጠንካራ ግንኙነትም ፣በሁለታችን መካከል አለ፡፡ የዓለም ፀጥታ እንዳይናጋ ሽብር ፈጣሪዎችን በጋራ በመዋጋት ላይ -በሶሪያና በአፍሪካ ይህ ይታያል - አንድ ዓይነት የጋራ አቋም፣በአሜሪካና በአውሮጳ መካከል አለ፡፡ግን ደግሞ በእኔ አስተሳሰብ ከሁለተኛ ዓለም ጦርነት በኋላ በዓለም አቀፍ ደረጃ በስንት ጥረትና ትግል የተዘረጉት የጋራ ስምምነቶችና ውሎች አሁን አደጋ ላይ ወድቀዋል..፡፡“ እነሱም እንዳይናጉ አውሮጶች የግድ አንድ ላይ ሁነው - እነዚህን ውሎች እና ሰምምነቶች መጠበቅም“ ይኖርባቸዋል፡፡»

በዚህም አመለካከታቸው  ማክሮን የአሜሪካን መንግሥት በአውሮጳ የእንዱስትሪ ምርቶች ላይ የቀረጥ ክፍያውን ከፍ ለማድረግ ማቀዱን አያይዘው ተችተዋል፡፡ ስለ አውሮጳ ውስጣዊ ችግሮችም አንስተዋል፡፡

«ብዙ አባል አገራት በአሁኑ ሰዓት ኃይለኛ የኢኮኖሚ ችግር ውስጥ ናቸው የሚባለትን የአውሮጳ ውስጣዊ ሁኔታን አሻሽሎ ማሕበረሰቡን ለማጠናከር“ -ፕሬዚዳንት ማክሮን- „…በርካታ የማሻሻያ ሓሳቦችን“ ለጀርመን ቻንሰለር፣ ለወይዘሮ አንጌላ ሜርክል .ቀደም ሲል መልስ እንዲሰጡበት መልዕክታቸውን ልከው ነበር፡፡

„መልስ በጊዜው በአለማግኛታቸውም“ እሳቸው „እንደ አልተገረሙ“ ጠቅሰዋል፡፡

“እኛ ላቀረብናቸው ሓሳቦች ፣ጀርመኖች እስከ ሰኔ ድረስ መልስ ይዘው ይቀርባሉ፡፡በርካታ አጥጋቢ መልሶችም እንደሚሆኑ ተስፋ አደርጋለሁ፡፡ ከቻንስለሩዋና ከጣምራ መንግሥታቸው ብዙ ነገሮችን እጠብቃለሁ፡፡ በጋራም ሆነን፣ሁለታችን ጠንካራዋን እና አንድ የሆነችውን እንዲሁም ብሔራዊ ነጻነትዋ የተጠበቀውን አውሮጳን፣በጋራ እንደምንገነባም ትልቅ ተስፋ አለኝ“ ብለው ፕሬዚዳንት ኢማኑኤል ማክሮ ቃለ-ምልልሱን አጠናቀዋል፡፡

ይልማ ኃይለ ሚካኤል

ሸዋዬ ለገሠ

ኂሩት መለሰ

Audios and videos on the topic

ተዛማጅ ዘገባዎች