የጦር መሳሪያ አስተዳደር እና ቁጥጥር ረቂቅ አዋጅ ሊፀድቅ ነው | ኢትዮጵያ | DW | 06.04.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ኢትዮጵያ

የጦር መሳሪያ አስተዳደር እና ቁጥጥር ረቂቅ አዋጅ ሊፀድቅ ነው

የኢትዮጵያ የሚኒስትሮች ምክር ቤት የጦር መሳሪያ አስተዳደር እና ቁጥጥር ረቂቅ አዋጅ እንዲጸድቅ ወሰነ።ረቂቅ አዋጁ በምኒስትሮች ምክር ቤት ውይይት ተደርጎበት ለህዝብ ተወካዮች ምክር ቤት እንዲቀርብ ተወስኗል።

የኢትዮጵያ የሚኒስትሮች ምክር ቤት የጦር መሳሪያ አስተዳደር እና ቁጥጥር ረቂቅ አዋጅ እንዲጸድቅ ወሰነ። የጠቅላይ ሚኒስቴር ፅህፈት ቤት በዛሬው ዕለት ባሰራጨው መረጃ መሰረት "ግለሰቦች የታጠቋቸውን የጦር መሳሪያዎች የሕብረተሰቡን ሰላም እና ጸጥታ ለማስጠበቅ ተግባር ሊውሉ የሚችሉበትን ዕድል" ለመፍጠር የተዘጋጀው ረቂቅ አዋጅ በምኒስትሮች ምክር ቤት ውይይት ተደርጎበት ለህዝብ ተወካዮች ምክር ቤት እንዲቀርብ ተወስኗል። ረቂቅ አዋጁ "በስራ ላይ ባሉ ሕጎች እና አሰራሮች ያልተሸፈኑ ጉዳዮችን በዝርዝር ሕግ መደንገግ እና ወጥነት ያለው ሥርዓት ለመፍጠር" መዘጋጀቱን የጠቅላይ ምኒስትር ፅህፈት ቤት ያሰራጨው መረጃ ያትታል። ኢትዮጵያ በተለይ ባለፉት ወራት ከፍተኛ ሕገ-ወጥ የጦር መሳሪያ ዝውውር ገጥሟታል። ትናንት መጋቢት 27 ቀን 2011 ዓ.ም. እንኳን በአማራ እና አፋር ክልሎች በሚዋሰኑበት ሚሌ ባቲ መገንጠያ ኬላ 990 የክላሽንኮቭ ጥይት መያዙን የገቢዎች ሚኒስቴር አስታውቋል። 

እሸቴ በቀለ

ልደት አበበ