የጀርመን ሶሻል ዴሞክራት ፓርቲ ሊቀ-መንበር ነገ ይለቃሉ | አውሮጳ/ጀርመን | DW | 02.06.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

አውሮጳ/ጀርመን

የጀርመን ሶሻል ዴሞክራት ፓርቲ ሊቀ-መንበር ነገ ይለቃሉ

የጀርመን ሶሻል ዴሞክራት ፓርቲ ሊቀ-መንበር  አንድሪያ ናሕሌስ ከሥልጣናቸው እንደሚለቁ አስታወቁ። በአውሮፓ ምክር ቤት ምርጫ የከፋ ውጤት የገጠመውን ግራ ዘመም ፓርቲ የሚመሩት ናሕሌስ የደረሱበት ውሳኔ የመራሒተ-መንግሥት አንጌላ ሜርክልን መንግሥት ጥያቄ ውስጥ ጥሎታል።

የጀርመን ሶሻል ዴሞክራት ፓርቲ ሊቀ-መንበር  አንድሪያ ናሕሌስ ከሥልጣናቸው እንደሚለቁ አስታወቁ። በአውሮፓ ምክር ቤት ምርጫ የከፋ ውጤት የገጠመውን ግራ ዘመም ፓርቲ የሚመሩት ናሕሌስ የደረሱበት ውሳኔ የመራሒተ-መንግሥት አንጌላ ሜርክልን መንግሥት ጥያቄ ውስጥ ጥሎታል። ናሕሌስ በፓርቲው እና በምክር ቤት አባላት ዘንድ በመሪነት የሚያስቀጥል ድጋፍ በማጣታቸው ለመልቀቅ መወሰናቸውን በዛሬው ዕለት ይፋ ባደረጉት መግለጫ አስታውቀዋል። አንድሪያ ናሕሌስ ከፓርቲ መሪነታቸው በመጪው ሰኞ እንዲሁም ከምክር ቤት ኃላፊነታቸው ማክሰኞ ይለቃሉ። ናሕሌስ "የእኔ ተተኪ ሥርዓት ባለው መንገድ ይመረጣል ብዬ ተስፋ አደርጋለሁ" ይበሉ እንጂ ውሳኔያቸው ፓርቲው በጀርመን መንግሥት ውስጥ ያለውን ተጣማሪነት አደጋ ላይ እንዳይጥል አስግቷል። የፓርቲው ምክትል ሊቀ-መንበር ሐራልድ ክሪስት ከአንጌላ ሜርክል ፓርቲ ጋር የተመሰረተው ጥምረት ጥርጣሬ ውስጥ መውደቁን ቢልድ ለተባለው ዕለታዊ ጋዜጣ ተናግረዋል። 
የአንጌላ ሜርክል ክርስቲያን ዴሞክራቶች ፓርቲ ከግራ ዘመሞቹ ሶሻል ዴሞክራቶች የፈጠሩት ጥምረት ከመነሾው ውጣ ውረድ የገጠመው ነበር። በጎርጎሮሳዊው 2017 ዓ.ም. በተካሔደው የጀርመን ምርጫ የከፋ ውጤት የገጠመው የሶሻል ዴሞክራቶች ፓርቲ ሐሳቡን ቀይሮ በመንግሥት ጥምረት ውስጥ ከመግባቱ በፊት ከተቃውሞ ጎራ የመሰለፍ ውጥን ነበረው። 

እሸቴ በቀለ

ልደት አበበ
 

ተዛማጅ ዘገባዎች