የጀርመን መራሒተ መንግሥት አንጌላ ሜርክል መግለጫ | አውሮጳ/ጀርመን | DW | 20.09.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አውሮጳ/ጀርመን

የጀርመን መራሒተ መንግሥት አንጌላ ሜርክል መግለጫ

የጀርመን መራሒተ መንግሥት አንጌላ ሜርክል ፒዮንግያንግ የኑክልየር መርሀግብሯን ካላቆመች ዩኤስ አሜሪካ ሰሜን ኮሪያን ሙሉ በሙሉ ለማጥፋት ትገደዳለች ሲሉ ፕሬዝዳንት ዶናልድ ትራምፕ ትናንት ለተባበሩት መንግስታት ድርጅት ጠቅላላ ጉባኤ ባደረጉት ንግግር ያሰሙትን ዛቻ የጀርመን መራሒተ መንግሥት አንጌላ ሜርክል  በጥብቅ ወቀሱ።

ሜርክል ዛሬ ከዶይቸ ቬለ ጋር ባደረጉት ቃለ ምልልስ ከሰሜን ኮርያ ጋር በአቶም መርሀግብሯ ሰበብ የተፈጠረው ውዝግብ በሰላማዊ ዘዴ ብቻ መፍትሔ ሊፈለግለት እንደሚገባ አስታውቀዋል።
« ይህን ዓይነቱን ዛቻ እቃወማለሁ። እኔም ሆንኩ የጀርመን መንግሥት ማንኛውንም ዓይነት ወታደራዊ መፍትሔ ትክክለኛ ሆኖ አናየውም፣ የምንደግፈው ዲፕሎማሲያዊውን ጥረት ነው።  ይህ እንዲሆን በተቻለ መጠን መሰራት አለበት። በኔ አስተያየት ማዕቀብ መጣል እና ማዕቀቡንም ገቢራዊ ማድረግ ትክክለኛው መልስ ነው። ሰሜን ኮርያን በተመለከተ ሌላ የሚወሰድ ርምጃን ስህተት ነው። በዚህም የተነሳ ከአሜሪካዊው ፕሬዚደንት ጋር ግልጽ ልዩነት አለን። » 

 መራሒተ መንግሥቷ የአቶም መርሀግብር ውዝግብን ለማስወገድ ድርድር ጠቃሚ መንገድ መሆኑን ከኢራን ጋር የተደረሰውን ስምምነት በምሳሌነት በመጥቀስ ገልጸዋል። የፊታችን እሁድ በጀርመን በሚደረገው አጠቃላይ ምርጫ አማራጭ ለጀርመን  (አ ኤፍ ዴ ) የተባለዉ ቀኝ አክራሪ ፓርቲ ከ10% በላይ ድምፅ በማግኘት የሶስተኛ ቦታ ይዞ በምክር ቤት ሊወከል ይችል ይሆናል ስለመባሉ ለቀረበላቸው ጥያቄ ሜርክል ትልቆቹ ፓርቲዎች የሕዝቡን ጥያቄዎች በመመለስ ይኸው ፓርቲ  የሚያገኘውን ድጋፍ መቀነስ እንደሚቻሉ አመልክተዋል።ይሁንና፣ ፓርቲው ምክር ቤት ቢገባ አብረው ለመስራት እንደማይፈልጉ አስታውቀዋል።
« ይህን አልፈልግም ምክንያቱም ከአኤፍ ዴ ጋር ጭራሽ አብሬ አልሰራም። »
ካለፉት ጥቂት ጊዜያት ወዲህ እየሻከረ ስለመጣው ከቱርክ ጋር ስላለው ግንኙነት፣ ስለስደተኞች ጉዳይ ለመራሒተ መንግሥቷ ከቀረቡት ጥያቄዎች መካከል ጥቂቶቹ ነበሩ።

አርያም ተክሌ

ነጋሽ መሀመድ

ተዛማጅ ዘገባዎች