የጀርመኑ ፕሬዚዳንት ፍራንክ ቫልተር ሽታይንማየር የላሊበላ ውቅር አብያተ ክርስቲያናትን ጎበኙ | ኢትዮጵያ | DW | 29.01.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ኢትዮጵያ

የጀርመኑ ፕሬዚዳንት ፍራንክ ቫልተር ሽታይንማየር የላሊበላ ውቅር አብያተ ክርስቲያናትን ጎበኙ

የጀርመኑ ፕሬዚዳንት ፍራንክ ቫልተር ሽታይንማየር ዛሬ የላሊበላ ውቅር አብያተ ክርስቲያናትን ጎበኙ። ፕሬዚዳንቱ ወደ ላሊበላ ከማቅናታቸው በፊት በጀርመን የልማት ተራድኦ ድርጅት ድጋፍ የሚደረግለትን የፌደራል ቴክኒክና ሞያ ትምህርትና ስልጠና ኢንስቲትዩትም ጎብኝተዋል።

ኢትዮጵያን ለመጎብኘት ባለፈዉ እሁድ ምሽት አዲስ አበባ የደረሱት የጀርመኑ ፕሬዚዳንት ፍራንክ ቫልተር ሽታይንማየር ዛሬ የላሊበላ ውቅር አብያተ ክርስቲያናትን ጎበኙ። ፕሬዚዳንቱ ወደ ላሊበላ ከማቅናታቸው በፊት በጀርመን የልማት ተራድኦ ድርጅት ድጋፍ የሚደረግለትን የፌደራል ቴክኒክና ሙያ ትምህርትና ስልጠና ኢንስቲትዩትም ጎብኝተዋል። በላሊበላ ቆይታቸውም ከላሊበላ ውቅር አብያተ ክርስቲያን ፊት ለፊት ኾነው መልእክት አስተላልፈዋል። 

«ትናንት አዲስ አበባ ከፕሬዚዳንቷ፣ ከጠቅላይ ሚንሥትሩ፣ እንዲሁም በሀገሪቱ በሚታየው የፖለቲካ ለውጥ ላይ ተጽዕኖ ፈጣሪ ከኾኑ በርካታ ሰዎች ጋር በፖለቲካ ንግግር የተሞላ ቀን ነበር። ዛሬ በኢትዮጵያ ታላቅ በዓል ነው። የማርያም እረፍት ቀን። እናም አጋጣሚውን በመጠቀም እዚህ ሰሜን ኢትዮጵያ መጥተናል። ከጠቅላላው የጀርመን ልዑካን ጋርም በዓለም ቅርስ የተመዘገበችውን ከተማ እየተመለከትን ነው።» 

ጎይተ ኢንስቲትዩትን እና የጀርመን የትምህርት እድልን ጨምሮ ሀገራቸው ከኢትዮጵያ ጋር ቆየት ያለ የባሕል ግንኙነት እንዳላት የጠቆሙት የጀርመኑ ፕሬዚዳንት አሁን በኢትዮጵያ እየታያ ነው ያሉት ለውጥ በባሕልም የበለጠ ጥብቅ ትስስር ለመፍጠር እድል ከፋች ነው ብለዋል። 

ማንተጋፍቶት ስለሺ 

አዜብ ታደሰ 

ተዛማጅ ዘገባዎች