የድሬዳዋ የመጠጥ ውኃ ችግር ሊቀረፍ ነው ተባለ | ኢትዮጵያ | DW | 02.05.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ኢትዮጵያ

የድሬዳዋ የመጠጥ ውኃ ችግር ሊቀረፍ ነው ተባለ

ድሬዳዋ ከነዋሪዎቿ ገሚሱ በሚባል ደረጃ በመጠጥ ውኃ እጥረት ስትሰቃይ የከረመች ከተማ ናት። ከተማዪቱ አሁን ምናልባት መቶ በመቶ ባይኾን እንኳን 90 በመቶ የንጹህ መጠጥ ውኃ አቅርቦት ልታገኝ ነው ተብሏል።

አውዲዮውን ያዳምጡ። 04:12

ድሬዳዋ ከውኃ ጥም ልትላቀቅ ይኾን?

ድሬዳዋ ከነዋሪዎቿ ገሚሱ በሚባል ደረጃ በመጠጥ ውኃ እጥረት ስትሰቃይ የከረመች ከተማ ናት። ከተማዪቱ አሁን ምናልባት መቶ በመቶ ባይኾን እንኳን 90 በመቶ የንጹህ መጠጥ ውኃ አቅርቦት ልታገኝ ነው ተብሏል። ለዚያ ደግሞ የዛሬ አራት ዓመት ጥናት እና ንድፉ ተጀምሮ፤ ከ900 ሚሊዮን ብር በላይ በጀት ተመድቦለት ከሁለት ዓመት በፊት ወደ ግንባታ የገባው የድሬዳዋ ከተማ የመጠጥ ውኃና ንጽህና ፕሮጀክት ዛሬ ተመርቋል። ፕሮጀክቱ ከዓለም ባንክ በተገኘ 18 ሚሊዮን ዶላር ብድር እና 4.2 ሚሊዮን ዶላር ርዳታ እንዲሁም ከድሬዳዋ አስተዳደር በተመደበ ከ375 ሚሊዮን ብር በላይ በጀት ተመድቦለት የተሠራ መኾኑ ተገልጧል። ነዋሪዎች አሁንም የንጹህ መጠጥ ውኃ ችግራችን አልተቀረፈም እያሉ ነው። 

ላለፉት ስድስት አመታት ሲከናወን የቆየው የድሬደዋ ውሀና ሳኒቴሽን ፕሮጀክት ተጠናቆ ዛሬ ተመርቋል ። የውሀ ፣ መስኖና ኤሌክትሪክ  ኃይል ሚንስትሩን ጨምሮ የፌደራልና አስተዳደሩ ከፍተኛ የስራ ሀላፊዎች በምረቃው ላይ ተገኝተዋል። የውሀ መስኖና ኤሌክትሪክ ሀይል ሚንስቴር ሚንስትር ዶ/ር ኢንጅነር ስለሺ በቀለ መንግስት በከተሞች ያለውን የውሀና ሳኒቴሽን ችግሮች ለመፍታት በአለም ባንክ የበጀት ድጋፍና ብድር እንዲሁም በመንግስት አስተዋፅኦ ከሚሰራቸው ፕሮጀክቶች ዛሬ በድሬደዋ የተመረቀው አንዱ መሆኑን ተናግረዋል። 

ፕሮጀክቱ ከአለም ባንክ በተገኘ አስራ ስምንት ሚሊየን ዶላር ብድር አራት ሚሊየን ዶላር ያክል ድጋፍና የድሬደዋ መስተዳድር በመደበው ሶስት መቶ ሰባ ሚልዮን ብር በጥቅሉ ሰላሳ አምስት ሚልዮን ዶላር ወይም ዘጠኝ መቶ ሚሊየን ብር ያክል ወጭ የወጣበት  መሆኑን ጠቁመዋል።በድሬደዋ ቀድሞ የነበረውን የአርባ አምስት በመቶ የውሀ ስርጭት ሽፋን ዘጠና በመቶ የሚያደርሰው የውሀና ሳኒቴሽን ፕሮጀክት ተጠናቆ ለአገልግሎት መብቃት ነዋሪው ሲያነሳቸው ለነበሩ የመልካም አስተዳደር እና የፍትሀዊ ተጠቃሚነት ጥያቄዎች ምላሽ የሚሰጥ ነው ያሉት ደግሞ የአስተዳደሩ ምክትል ከንቲባ አቶ መሀዲ ጊሬ ናቸው።

ይሁን እንጂ በከተማው ከሚገኙ ዘጠኝ የቀበሌ መስተዳድሮች የስምንቱን ችግር ሙሉ በሙሉ ይቅር ድል የተባለው ይህ ፕሮጀክት ዛሬም ችግራቸውን አልመቅረፉን DW ያንጋገራቸው አስተያየት ሰጪ ተናግርዋል። በከተማው በተለምዶ ገንደቦዬ እየተባለ በሚጠራው አካባቢ ነዋሪ የሆኑት አስተያየት ሰጪ ዛሬም ቤት ገብቼ ቧንቧ ከፍቼ የለም ብለዋል ።የአካባቢውን ችግር በሚመለከት ከሃያ ቀናት በፊት የውሀ መስመሮችን በአዲስ የመተካት ስራ እየተሰራ ነው ይህም በአስራ አምስት ቀናት ያልቃል ቢባልም ዛሬ በምረቃው እለት እንኳ ይሄ ችግር አለመፈታቱን አስረድተዋል።

የውሀና ሳኒቴሽን ፕሮጀክቱ ከተገቢው ጊዜ የተጓተተ በመሆኑም ቅሬታዎች ሲቀርቡበት ቆይቷል ። ምክንያቱ ምንም ይሁን ምን በፕሮጀክቱ መጓተት ለተፈጠረው ችግር የአስተዳደሩ ውሀና ፍሳሽ አገልግሎት ባለስልጣን ስራ አስኪያጅ አቶ መሀመድ ነዋሪውን በይፋ ይቅርታ ጠይቀዋል። በድሬደዋ ዛሬ ለምረቃ የበቃው የውሀና ሳኒቴሽን ፕሮጀክት አብዛኛውን የከተማው ችግር ይቀርፋል የሚል ተስፋ ተጥሎበታል።

መሳይ ተክሉ

ማንተጋፍቶት ስለሺ

እሸቴ በቀለ

Audios and videos on the topic

ተዛማጅ ዘገባዎች