«የደድ ባድ» የፍቅር ሃገር | ባህል | DW | 18.02.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

«የደድ ባድ» የፍቅር ሃገር

«የደድ ባድ» የፍቅር ሃገር

የ 30 ዓመቱ ሸምሱ ሱልጣን በሳዉዲ ዓረብያ ሲኖር ከአራት ዓመት በላይ ሆነዉ። በልጅነቱ የሃይማኖት ትምህርት ቀስሟል። ጅማ ዩኒቨርስቲ ገብቶ በፋርማሲ ተመርቋል።ሃሳቡን በድምፅም ሆነ በጽሁፍ የመግለጽ አቅሙ ከፍተኛ ነው። ለመድረክ የተፈጠረ እስኪመስል ድረስ መድረክ የመቆጣጠር ችሎታው ከፍተኛ እንደሆነ ብዙዎች ይናገሩለታል።

አውዲዮውን ያዳምጡ። 10:34

በስልጤኛ ቋንቋ የወጣዉ የታሪክና የግጥም መድብል 

የተለያዩ ቋንቋዎችን በመጠቀም በሚያነሳቸው ሃሳቦች ታዳሚውን የመያዝ አቅሙ ከፍተኛ እንደሆነ በመድረክ ላይ ያዩት ይመሰክራሉ።  

ሸምሱ የመድረክ ስራዎቹም በአዳራሹ የሚገኙ የተለያዩ ቋንቋ ተናጋሪዎችን ግምት ውስጥ ያስገባ ነው። ዩኒቨርስቲ እያለ በስልጤ ቋንቋ የቀልብ ገርባሻት የተባለ መጽሐፍ አሁን ደግሞ ሪያድ ከመጣ በኋላ የድድ ባድ የተሰኘ መድብል አሳትሟል። ብዙ ጊዜ መድረክ ላይ ሽልማት ይጎርፍለታል። ቀልዶቹ ዝም ብለው ቧልት አይነት አይደሉም ማህበራዊ ህጸጾችን እያወጡ የሚተቹ ናቸው። በዚህ ዝግጅታችን ሸምሱን ሪያድ ላይ በስልክ አግኝተን ስራዉን የሥነ-ፅሑፍና የመድረክ ልምዱን እንዲያጫዉተን ጠይቀነዋል። ሙሉ ቅንብሩን የድምፅ ማድመጫ ማዕቀፉን በመጫን ይከታተሉ።

አዜብ ታደሰ

ልደት አበበ

Audios and videos on the topic