የዓለም የእግር ኳስ ዋንጫ አንድ ሳምንት፣ | ስፖርት | DW | 18.06.2014
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
ማስታወቂያ

ስፖርት

የዓለም የእግር ኳስ ዋንጫ አንድ ሳምንት፣

ከማራኪ ጨዋታ ጋር በሰፊ ብልጫ ተጋጣሚዎቻቸውን ፤ ሆላንድ እስፓኝን፣ 5-1 ፣ ጀርመን ፖርቱጋልን 4-0 ያሸነፉበት ሁኔታ በኳስ ጨዋታ ተመልካቾችና ሐያስያን በሰፊው ሲወሳ ፣ የሌሎቹ ያን ያህል አድናቆት አልተቸረውም።

የአፍሪቃ ብሔራዊ ቡድኖች ደግሞ ፤ ከአይቮሪኮስት በስተቀር ሌሎቹ 4ቱ ፤ ማለትም አልጀሪያ ፣ ናይጀሪያ ጋናና ካሜሩን በመጀመሪያ ግጥሚያዎቻቸው ፤ ኳስ አፍቃሪውን የአፍሪቃን ህዝብ አላረኩም። በቀጣዩ ግጥሚያቸው የማሸነፍ ዕድላቸው ደግሞ የጨፈገገ ነው የሚመስለው። ስለዓለም የእግር ኳስ ዋንጫ፤ በተለይም ስለአፍሪቃያኑ ብሔራዊ ቡድኖች አጨዋወት--

በአፍሪቃው ክፍለ ዓለም የኳስ አፍቃሪው ቁጥር እጅግ እየጨመረ በተገኘበት በአሁኑ ሰዓት፤ በብራዚል አፍሪቃን ወክለው ከተገኙት አገሮች መካከል ፤ ለምሳሌ ያህል የናይጀሪያንና የኢራንን ጨዋታ በአጠቃላይ ከ 25 ሚሊዮን በላይ አፍሪቃውያን ጎልማሶች ናቸው በቴሌቭዥን የተከታተሉት። ሆኖም ፣ ናይጀሪያ ከኢራን ጋር ባዶ ለባዶ መለያየቷ፣ ጋናውያን ፤ የጨዋታ ችሎታም ሆነ ጥንካሬ ሳያንሳቸው በዩናይትድ ስቴትስ 2-1 መሸነፋቸው፣ አልጀሪያ ትናንት ጥሩ ጀምራ ፣ በቤልጅግ ተሸንፋ መውጣቷ ፣ ካሜሩን በሜክሲኮ 1-0 መረታቷ ፤ ከአፍሪቃውያን ኳስ አፍቃሪዎች የሚጠበቅ አልነበረም።

ለዓለም ዋንጫ ወደ ብራዚል ከማለፋቸው በፊት እዚህ ጀርመን ውስጥ ካሜሩናውያን ከጀርመን ብሔራዊ ቡድን ጋር የወዳጅነትም ቢሆን ባደረጉት ግጥሚያ ችሎታቸውን በማሥመስከር፣ ሊያሸነፍም ይችሉ ነበር፣ ይሁንና 2-2 መለያየታቸው የሚታወስ ነው፦ ይሁን እንጂ ያን ጥንካሬ በብራዚል አለማሳየታቸው፣ በጠንካራው የጀርመን ቡድን ላይ ከወዲሁ የፎከሩት ጋናውያንም ከዩናይትድ ስቴትስ ጋር ባደረጉት ጨዋታ እንደሚጠበቅባቸው ሆነው አለመገኘታቸው---ከሞላ ጎደል በሁሉም ላይ ምን ነካቸው የሚል ጥያቄ የሚያስነሳ ነው። ምን ይሆን ችግሩ ? ዶክተር ተስፋዬ ጥላሁን---

ከእግር ኳስ ጨዋታው ውድድር ጋር ተያይዞ በመገናኛ ብዙኀን የሚካሄደው የሥነ ልቡና ጦርነት መሰሉ ሐተታ የሚያስገርም ነው። አንድ ኃይለኛ ሜክሲካዊ በረኛ ፤ የብራዚልን የግብ ተደጋጋሚ ሙከራ ማክሸፉ ፣ አስተጋጂዋ አገር አከተመላት የሚያሰኝ ይሆናል ወይ? የኔደርላንድና የጀርመን ቡድኖች በሰፊ ብልጫ ማሸነፋቸው፣ ለዋንጫ ፍጻሜ ጨዋታ ደረሱ ማለት አይደለም ። የእግር ኳስ ባለሙያው ምን ይላል? ዶ/ተስፋዬ--

ተክሌ የኋላ

ኂሩት መለሰ

Audios and videos on the topic